Saturday, April 19, 2008

دراسات علمية في مشكل الدارجة و اللغة

من بين أهداف المدونة متاعنا أنو اناقشو مشكل علاقة الدارجة التونسية باللغة العربية بشكل علمي و نحاولو نقراو للناس إلي تعبت و كتبت في الموضوع و إلي يحللو مش من منطلقات سياسية لكن من منطلقات علمية... عادة قلت مافيها باس كان نبداو نلمدو مقالات في الموضوع و نحطوها على الانترنت بالنسبة للناس المهتمة بالموضوع و في اتجاه تعميق النقاش... عندي ملاحظة أخيرة: هذية مجرد دفعة أولى من المقالات... كلها بالانجليزية و ماهياش مركزة على الدارجة التونسية لكنها تتحدث عليها و عليى بقية اللهجات العربية... لأنو من الناحية المنهجية هذية مسائل مرتبطة ببعضها... انشالله نهبطو مجموعة جديدة من المقالات عن قريب

عرض نقدي لكتاب عن لهجات تكرونة

مقال عن الشعر الشعبي في منطقة شمال إفريقيا

مقال عن التكون التاريخي للعربية الفصحى

مقال عن الشكل و الايديولوجيا في النقاش العربي حول موضوع الدارجة

مقال عن تاريخ اللهجات في العربية

3 comments:

علاش said...

يعطيك الصحة يا طارق في هال state of the art

adam said...

sam7ouni bach nekteb bel 7ourouf latinia ana fil publinet. ana ktebt tadwintin fi mawdhou3 il lougha ou il lahja. a3mlou 3lihoum Talla
http://saharaclub1.blogspot.com/2007/06/1mulltilinguisme-et-diglossie1.html
http://saharaclub1.blogspot.com/2007/06/2mulltilinguisme-et-diglossie2.html

miled said...

عالسلامة يا طارق... يعطيك الصحة على ها المجهود الكبير... أنا متفق معاك مية بالمية... وقاعد نحاول توا بعد سنوات من تمجيد اللغة الفصحى نكتشف العامية التونسية اللي هي في الأساس لغتنا الحقانية وهذا ما فيه حتى تهجم ولا احتقار للفصحى ولكن فيه اكتشاف للذات ومصالحة حقيقية معاها

ميلاد
ميشيغان